DAVAO CITY – Napalgan sa Mabini Municipal Police ang nadugta nga patayng lawas sa gikatahong nawala nga collector nga si King Karlo Badiang, 25 anyos, taga-Villa Consuello, Prk 6-A, Brgy. Apokon, Tagum City.
Bag-uhay lang nga gikumpirma sa kapulisan nga nakit-an ang patayng lawas niini sa usa ka tulunghaan sa Mampising, Mabini, Davao de Oro.
Unang gikatalang nawala si Badiang niadtong Nobyembre 18 ug ulahi sab siya nakit-an pagka-sunod adlawa sa usa ka resort sa Prk. Labu-an, Baybay, Brgy. Pindasan, Mabini, Davao de Oro nga nagmaneho sa iyang motorsiklo.
Matud pa ni PSSG Cuanan, duty investigator sa Mabini Police, giila sa iyang pamilya ang biktima base sa gisol-ob niini nga sinina, tsinelas ug plaka sa motor.
Kasamtangang nagpahigayon ug halawon nga imbestigasyon aron masayran kung naa bay foul play nga nahitabo sa iyang kamatayon.
via || Bombo LJ Florendo
