Gikataho sa Department of Health nga anaa sa kinatibuk-ang 314,785 nga kaso sa dengue ang natala sa nasud niadtong bulan sa Oktubre ning tuiga.
Hinuon, gibutyag sab sa DOH nga mikunhod ang kaso sa dengue, diin niadtong Setyembre 29 hangtod bulan sa Oktubre 12, aduna kini pagkunhod sa 8%.
Sumala pa sa maong ahensya, miubos sab ang ihap sa mga nangamatay karung tuiga, tandi sa susamang panahon niadtong nakalabayng tuig.
Samtang, gumikan sa ting-ulan ug taas nga tiyansa sa pagpangitlog sa mga lamok, gisiguro sa DOH ngadto sa publiko nga nakaandam na matud pa ang ilahang mga pasilidad alang niini.
Aron nga malikayan ang mga kaso sa dengue, padayon matud pang nakigtimbayayon ang maong ahensya ngadto sa mga LGU, diin ginaawhag niini ang publiko nga magsuot og mga sanina nga makatabon sa ilahang mga panit o mugamit og mga mosquito repellant.
Gitambagan sa ni Health Secretary Ted Herbosa ang publiko nga muadto sa mga pinakaduol nga mga Health Facility, alang sa pagpakonsulta og ugaling makasinati og sintomas sa dengue.
