Napasagdang kandila ang gituohang hinungdan sa nahitabong sunog sa Purok Sto.Niño YCF Yello Village Brgy. San Antonio Agdao ning dakbayan sa Dabaw kaganinang buntag.
Hinuon, wala na mokaylap pa sa kasilinganan ang kalayo human paspas nga napalong sa mga bombero, ug bugtong usa lamang ka pinuy-anan ang naapektuhan diin naguyo ang tulo ka mga pamilya.
Subay sa report, ang nahisgutang balay nga naa nahimutang sulod sa usa ka compound ug gipangpuy-an sa mga pamilyang Buhiyan, pamilyang Roxas ug pamilyang Ampo.
Dugang nasayran nga sa ubos nga bahin sa nahisgutang duha ka andang balay naa nakahaya ang patayng lawas sa namatay nga usa sa nga myembro sa pamilya sa biktima.
Paspas sumala pang miulbo ang kalayo hinungdan nga walay nahipos nga mga gamit ang mga biktima gawas lamang sa mga importanteng papeles ug ang lungon sa namatay nilang kabanay.
