DAVAO CITY – Miubos ang garbage collection sa Davao City Environment and Natural Resources Office kon CENRO sa miaging tuig. Subay sa datos sa buhatan, anaa sa 23,000 metric tons ang ilang nakolekta diin mas ubos kini og 1,460 metric tons kon itandi sa 24,460 metric tons nga nakuha niadtong tuig 2021.
Mukabat sa 617 tons ang makolekta sa CENRO kada adlaw maong aduna kini dagkong diperensa sa gidaghanon sa nakolektang basura sa dakbayan.
Sumala ni Engineer Marivic Reyes, ang head sa buhatan, makadawat sila ug mga reklamo mahitungod sa delay sa ilang pagpangolekta og basura.
Giangkon sab nila kini tungod ilang giuna ang mga basura sa highway una pa mulatas sa mga residential areas.
Sa pikas bahin, nakaangay ang buhatan sa dose ka mga garbage trucks tungod nahimong walay hasol ang pagpangolekta ug basura matag buntag.
Kahinumdumang nadawat sa lokal nga panggamhan niadtong Setyembre sa miaging tuig ang mga garbage compactor trucks alang sa pagpangolekta ug basura sa mas daghan pang mga barangay sa syudad.
via || Bombo LJF
