DAVAO CITY – Gibutyag ni Pol. Col Alexander Tagum, director sa Davao City Police Office (DCPO) nga nagpahigayon sila ug command conference aron nga pahimangnoan ang kapulisan nga ipatuman na ang man hunt operation batok sa mga peneriso nga nakagawas tungod sa Good Conduct Time Allowance (GCTA) law.
Tipik lamang kini human nga anaa lamang sa unom gikan sa kapin 70 ka mga peneriso ang mitahan karon sa kapulisan.
Sa nahisgutan nga ihap, upat niini ang sa Dakbayan sa Davao, 1 sa Davao del Sur ug 1 sa Davao Occidental.
Gimandoan na matud pa karon sa DCPO ang 12 ka mga hepe sa kapulisan sa dakbayan nga magpahigayon ug man hunt operation batok sa mga nakagawas nga peneriso kini dungan sa pagtapos sa lugway nga gihatag ni Pangulong Rodrigo Duterte.
Samtang sa bahin ni Police Major Jason Baria, tigpamaba sa Police regional office (Pro) 11, gitino niini nga ang mga peneriso nga gikan lamang sa Bureau of Corrections (BuCor) nga nakagawas tungod sa GCTA ang kinahanglan nga motahan sa otoridad ug walay labot nini kadtong gikan sa Bureau of Jail Management and Penology (BJMP).
