Wala pa nakita sa National Bureau of Investigation (NBI) ang nahimutangan sa usa pa ka Alice Guo, nga gikatuho-an sa Senado nga missing link sa padayong pag-imbestiga sa iligal nga Philippine Offshore Gaming Operators (POGO) sa Tarlac.
Sa gihimong pagdungog sa Senate Committee on Women, Children, Family Relations, ug Gender Equality, gipahayag ni NBI Organization ug Transnational Crime Division special investigator Edgardo Kawada, gihimo sa ahensya ang tanan aron makita ang nahisgutan sa labing dali nga panahon.
Nangayo na usab sila ug panabang sa ubang ahensya susama sa Land Transportation Office o LTO. Gipahayag pa sa opisyal, walay Wesley Guo, Amelito Guo o Amelia Leal ang nakita sa ilahang imbestigasyon sa Project 4 sa Quezon City, lakip na sa ubang barangay susama sa Baesa, Toro o Sangandaan.
Samtang gikumperma usab ni NBI Dactyloscopy Division Chief Alfredo Kahanding nga ang mga fingerprint ni Mayor Alice Guo ug usa ka Chinese national nga nagpangalang Guo Hua Ping ang usa ka tawo lamang.
