DAVAO CITY – Diretso sa presohan ang anaa sa napulo ka mga nagdula ug basketball human nga aktong nasakpan nga nagpustahanay ang mga nahisgutan og kuwarta. Mismo ang mga personahe sa Sta. Ana Police Station ang nagpahigayon ug anti-illegal gambling operation sa Alzate Extention Street, Barrio Obrero ning dakbayan.
Dihang nakumpirma nga nagpustahanay ug kuwarta ang mga nagdula ug basketball, gipangdala gilayon sa mobile patrol ang mga dinakpan nga nailang sila si Rocky Cabunoc, 26-anyos, Jerico Antonares, 31-anyos, Marjun Maynapus, 31-anyos, Chadie Tumbiga, 31-anyos, Nelson Lazada, 50-anyos, Joselito Diez, 29-anyos, pulos mga traysikad drayber ug laing tulo nga sila Romel Alindao, 28-anyos, Edgar Matabaran, 45-anyos ug Arnel Valdez, 41-anyos, susama nga residente sa nahisgutan nga lugar. Nakuha sa ilang posisyon ang P200 nga pusta ug usa ka bola.
Susama nga mag-atubang ang mga nahisgutan ng ug kasong kalapasan sa Presidential Decree No. 1602 kon Illegal Gambling Law.
