Padayon karon nga giimbistigahan sa kapulisan ang nahitabong pagpamusil sa usa ka lalaki sulod sa balay niini sa nakalabay nga gabii.
Sumala sa kapulisan sa Tagum nga susihon niini ang background sa biktima aron masuta ang motibo sa pagpamusil samtang ginasubay usab ang mga CCTV duol sa mga posbling giagi-an sa suspetsado.
Kahinumduman, patay ang usa ka lalaki human gipusil sulod sa iyang balay sa Purok 9 Malinawon, Brgy. La filipina, dakbayan sa Tagum,gabii sa November 21, 2025.
Giila sa Tagum PNP ang biktima nga si Abobakar Kamsa Pamilian, 32-anyos, minyo ug residente sa nasampit nga lugar.
Subay sa gipahigayon nga imbestigasyon nga samtang anaa sa sulod sa iyang balay ang biktima nga nagpakaon sa iyang manok gisulod sa wala mailhing armado ug kalit kining gipusil nga miresulta sa iyang hinanaling kamatayon.
Hustisya karon ang panawagan sa kabanay sa biktima.
