Nailhan na ang usa ka indibidwal nga nagpabuto atol sa pagsugat sa bag-ong tuig nga una ng nag-viral sa social media.
Subay sa report gikan sa Davao City Police, human sa gipahigayon nga imbistigasyon sa Talomo PNP,natumbok na sa mga otoridad ang responsabli sa pagpabuto.
Giila ang suspetsado nga si alias “Botyok” 50-anyos, usa ka negosyante nga gikan sumala pa sa Placer Poblacion, Surigao del Norte.
Sa gihimong follow-up nga imbistigasyon sa kapulisan sa Talomo, adunay duha ka mga saksi nga mibarog nga nakita sumala pa ang nahisgutang suspek atol sa maong panghitabo.
Giila ang mga nahisgutan nga usa ka negosyante nga 50-anyos nga negosyante, ug usa ka 64 anyos nga susamang residente sa NHA, Bangkal.
Sumala pa sa mga nakasaksi nga nahitabo ang pagpabuto sa riprap area sa daplin sa sapa gikan sa gibana-banaan nga 10-15 ka metros sa nasunog nga bahin nga adunay itom nga residue nga nadiskubrihan sa dalan nga nahisubay usab sa unang gipahigayon nga imbistigasyon.
Sumala pa sa mga makakita nga pasado alas-Dusi sa tungang gabii niadtong pagsugat sa bag-ong tuig, ilahang nakita si Botyok nga nagdala ug backpack sa riprap area.
Iyaha sumala dayon kining gisindihan ang usa ka nga maoy hinungdan nga namugna ang fireworks display.
Gisulayan sumala pa nila ug badlong apan wala na sila’y nahimo sa pagpabuto niini.
Nasayran nga subay sa pamahayag sa mga saksi,niadtong Disyembre 31, nibisita sa ilahang gipuy-an ang suspetsado aron magsaulog sa bag-ong tuig, apan wala niini nabantayan nga nagdala na diay kini ug pabuto niadtong panahuna.
Sumala pa usab sa mga nahisgutang saksi nga pagka-buntag sa bag-ong tuig niuli ra usab si Botyok sa ilahang lugar.
Samtang giawhag sab sa tigpamaba sa DCPO nga si PCapt. Hazel Tuazon, ang publiko nga gilayong isumbong kini sa ilahang buhatan og ugaling adunay mga indibidwal nga nagasupak sa balaod.
Lakip sab sa gipasalamat ni Tuazon ang pipila ka mga concern citizen nga maoy nagtabang kanila aron nga matumbok ang nagpaluyo sa maong insidente.
Sa pagkakaron ang kapulisan ang mahimo na ug mga lakang aron sa pagpasaka ug kaso batok sa nahisgutan ilabi na ang pagsupak sa City Ordinance No. 060-02 Series of 2002.
