DAVAO CITY – Balhug karon sa presohan ang usa ka Purok leader human nga gipusil niini ang usa ka tindero nga maoy hinungdan sa iyang kamatayon sa Barangay Visayan, Tagum City, Davao del Norte.
Sa inisyal nga report gikan sa Tagum City Police Station naila ang biktima nga si Necolas Quitoriano, 41 anyos residente sa nahisgutan nga lugar samtang ang suspek naila nga si Solomo Salvoro, usa ka purok chairman.
Gikanayong nagmaoy sumala pa ang biktima ug nagdala-dala ug sundang nga maoy hinungdan nga mibati ug kahadlok ang mga residente sa nahisgutan nga dapit.
Tungod niini, gibadlong si Salvoro ang biktima apan sila sumala pa ang gi-atake niini hinungdan nga napugos siya sa pagpusil kang Quitoriano.
Dali pa nga gidala sa balay tambalanan ang biktima apan nakabsan na kini sa iyang kinabuhi.
Dali sab nga nasikop sa otoridad ang purok leader ug nakuha sa iyang posisyon ang armas nga iyang gigamit sa krimen.
Naghulat na lamang ang suspek sa mosunod nga kamandoan sa korte sa kaso nga iduso batok kaniya.
