DAVAO CITY – Narescue sa usa ka Michael Bagayas residente sa San Jose Sto. Tomas, Davao Del Norte ang usa ka Philippine serpent eagle.
Sumala kang Charlemagne Fernandez head sa Municipal Environment and Natural Resources Office kun MENRO nga ang maong agila nagluya ug duna kini samad sa tuong bahin sa paa niini.
Dugang pa ni Fernandez, nga gilayong mitawag ang pamilya Bagayas sa ilang buhatan arun isurender ang maong agila.
Giturn-over kagahapong adlawa ni Sto. Tomas Mayor Ernesto Evangelista ang narescue nga agila ngadto sa kadumalahan sa of J. K. Mercado and Sons Agricultural Enterprises, Inc.
Otorisado kini sa Department of Environment and Natural Resources and Provincial Environment and Natural Resources (PENRO) nga mudawat sa agila subay sa Republic Act 9147 or the Wildlife Resources Conservation and Protection Act.
Gipanganlag “Tomas” ni Mayor Evangelista ang narescue nga lalaking agila isip pasidungog sa lungsod kung diin kini nakita.
Sagad sa samang espisye sa Philippine serpeant eagle endemic na kini sa nasud Pilipinas.
