DAVAO CITY – Subling nagpahimangno ang mga sakop sa Bureau of Fire Protection (BFP) 11 ngadto sa publiko nga kanunay i-check ang mga wire sa kuryente ug likayan ang paggamit og mga substandard nga mga butang nga mamahimong hinungdan sa sunog.
Nasayran nga sa migula nga imbestigasyon sa BFP-11, nag-overheat nga ceiling fan ang hinungdan sa sunog niining milabay nga milamoy og kapin 60 ka mga pinuy-anan.
Gikanayong nagsugod ang nahisgutan nga sunog sa pinuy-anan sa usa ka Annie Balaga.
Una ng nasayran nga anaa sa 400 ka mga pamilya ug indibidwal ang apektado samtang mikabat sa P27,869,000 ang danyos.
Sumala pa kang Fire Inspector Shaira Borja, tigpamaba sa BFP-11, gawas sa light materials usa sab sa mga hinungdan sa paspas nga pagkatag sa kalayo mao ang kahuot sa lugar hinungdan nga nalisdan gilayon nga makasulod ang mga bombero.
