DAVAO CITY – Gipailalom karun sa Municipal Government sa Santo Tomas Davao del Norte sa state of calamity human ang nasinatian nga sunog-sunod nga mga pagbaha hatud sa localized thunderstorms.
Tungod niini, mamahimo na nga magamt sa lokal nga kagamhanan ang ilang quick response fund (QRF) alang sa disaster relief ug rehabilitation efforts.
Sumala pa kang Municipal Information Officer Mart Sambalud nga una ng giduso sa Sangguniang Bayan sa Santo Tomas ang resolusyon diin nagdeklara sa tibuok munisipalidad sa pagpailalom niini sa state of calamity subay na sab sa rekomendasyon gikan sa Municipal Disaster Risk Reduction Council.
Gitataw ni Sambalud nga ilalom sa Republic Act No. 10121 o ang Philippine Disaster Risk Reduction and Management Act of 2010, ang Municipal Disaster Risk Reduction and Management Council (MDRRMC) maoy mo-rekomenda sa Sangguniang Bayan nga ideklara ang state of calamity subay sa criteria.
Giila nila ang deklarasyon sastate of calamity isip crucial alang sa local government arun nga magamit ang calamity funds; pagpatuman sa price freeze sa basic commodities; ug mapahigayon ang rehabilitation efforts.
Pipila sa mga natalang kadaut mao ang mga panginabuhian ug propedad nga hatud sa sunod-sunod nga mga pag-ulan partikular sa mga agricultural crops and livestock nga anaa sa P15.9 million ang natala nga kadaut ug laing P1.65 million nga kantidad usab ka mga ektarya ang nangadaut.
Tungod sab sa pag-ulan, anaa sa P3,065,820.00 nga kantidad usab sa kadaut ang natala sa imprastraktura ug mga kadalanan. Gikanayong ang kinatibuk-ang kantidad sa rehabilitasyon ug pagkumpuni sa mga kadaut ang miabot sa P25,946,705.
