DAVAO CITY – Mukabat sa 4,000 ka mga punoan sa kahoy ang gitanom sa Barangay Marahan, Marilog District isip kabahin sa pagpaningkamut sa lokal nga panggamhanan nga ma-protektahan ang kinaiyahan ug malikayan ang natural disasters.
Gikanayong ang massive tree-planting activity gipangunahan sa Davao City Environment and Natural Resources Office (Cenro) isip kabahin sa Proclamation 237 nga nagdeklara sa bulan sa Hunyo matag tuig isip Environment Month.
Gikanayong ang Marilog ang kabahin sa giilang landslide-prone areas sa Davao City Disaster and Risk Reduction Management Office (CDRRMO) kalakip na ang Guadalupe, Matina Crossing, Marilog ug bukiran nga bahin sa siyudad. Ang nahisgutan sumala pa nga mga lugar ang padayon karon nga gimonitor.
Sumala pa kang Reyes ang pagpananom ug punoan sa kahoy ang usa sa mga pamaagi aron nga maprotektahan ang kinaiyahan.
Pipila sa mga inisyatibo nga kinahanglan sab nga ikonsidera ang gilangkuban sa pagbahin-bahin sa basura ug paglabay niini sa tukma nga basurahan diin ang nahisgutan nga pamaagi mamahimong himuon sa tagsa-tagsa ka mga panimalay.
