DAVAO ORIENAL- Pormal na nga gi-abrihan og balik alang sa publiko ang Mount Hamiguitan Natural Sciences Museum sa munisipyo sa San Isidro kagahapong adlawa, Mayo 22, 2024.
Ang maong reopening kabahin sa mga lakang sa probinsyal nga panggamhanan nga i-duso ang tourism industry sa probinsya. Si Gov. Niño Uy, kinsa nanguna sa seremonyas, nagpadayag sa tinguha sa iyang administrasyon nga buhion ang lokal nga ekonomiya pinaagi sa turismo.
Gawas sa pagpausbaw sa ekonomiya, gipunting sa tourism promotion ang pagpataas sa lebel sa panimuot sa mga katawhan sa pagprotekta ug pagkonserba sa kinaiyahan.
Uban sa mga nitambong reopening ceremony si Atty. Ma. Mercedes Dumagan, ang Regional Executive Director sa Department of Environment and Natural Resources (DENR) ug uban pang mga lokal nga opisyales.
