DAVAO CITY- Daling gidala ngadto sa Southern Philippines Medical Center kon SPMC ang usa ka motoristang napasok ilawon sa Kia Van emergency transport vehicle sa Tebow Cure Hospital kagahapon sa hapon sa may Bajada ning Dakbayan sa Dabaw.
Sumala sa imbestigasyon sa Bajada Police Station nga ang sakyanan sa hospital nga gimanehuan sa giilang si Boiser Montillano, 59-anyos ang mileft-turn sa may Bajada Highway paingon sa downtown nga dapit.
Samtang ang maong biktima nga kusog ang padagan gikan sa downyown ara paingon sa Lanang nga dapit ug makita pa sa CCTV footage nga mi-overtake kini sa mga nag-unang sakyanan niini.
Pag-abot sa maong nasangpit nga lugar sa insidente, tungod sa kakusog sa dagan sa maong motoristo wala niini mabantayan ang mi-left turn nga emergency transport vehikol nga maoy hinungdan sa pagkapasok niini ilawon sa maong sakyanan.
Ang maong wala pa mailhing biktima ang anaa pa gihapon karon sa SPMC alang sa pagpa-alim.
via/ DMA
