DAVAO CITY – Nadakpan na sa Special Operation Team sa City Transport and Traffic Management Office kon CTTMO ang usa ka motor rider human nag-viral ang “Superman” performing stunts sa Coastal Road ning dakbayan sa Davao kagahapong adlawa.
Naila ang nag-viral nga lalaki nga si Alex John Japos, tubong Surigao nga mag-atubang ug violation kabahin sa reckless driving human nga nakuhaan kini ug hulagway sa iyang dangerous stunts samtang nagmaneho sa motor nga giatawag ug superman.
Sumala pa nga walay driver’s license ang nahisgutan nga niadtong tungura igo lang nanghiram ug motor nga expired ang registration sa iyang kauban sa trabaho.
Gipasalig sab sa CTTMO pinaagi ni Ret. PCol. Dionesio Abude nga 24-oras kining magpahigayon ug operasyon sa tibuok syudad ugaling adunay reklamo o wala kabahin sa higutanan sa panghitabo sa kadalanan sa syudad aron nga dili kini makahatag ug perwesyo sa mga katawhan.
via || Bombo DF
