DAVAO CITY- Nagpasaka na og tukmang kaso ang usa ka motorista human kining mabiktima sa hit and run sa lain pa nga drayber.
Sumala sa nakaylap nga impormasyon sa Bombo Radyo Davao sa Talomo Police Station, nasayran nga samtang nagmaneho ang biktima ug nagsubay sa kadalanan sa Mc Arthur Highway, Matina Crossing ning siyudad sa Dabaw, kalit nga na-side swipe-an ang sakyanan niini sa usa ka Nissan Navarra diin miresulta kini og kadaot sa tuong bahin sa sakyanan niini diin dili pa matino sa pagkakaron ang damyos ug gasto sa maong panghitabo.
Subay sa rekord, nailhan ang mireklamo nga mao si Richard Abilat, 49 anyos, minyo, usa ka freelance agent ug residente sa Deca Homes, Tacunan, Mintal ning siyudad. Samtang, gipahimangnuan ang tanan ilabi na sa mga motorista nga mag-amping ug mamahimong responsableng motorista aron makalikay sa susamang panghitabo ug makabuhat og aberya sa laing tawo.
