Angol ang drayber sa motorsiklo human nga nabangga kini sa fuel tanker nga nahitabo sa Davao-Bukidnon National Highway, sa Purok 4 Brgy. Gumalang Baguio Dist. ning dakbayan sa Davao.
Subay sa report sa kapulisan, pasado ala una kaganihang kaadlawon usa ka Mercedes Benz Truck Tractor (fuel tanker) nga gimaneho sa usa ka Verdun Oquendo Lacang, hamtong ang panuigon, samtang usa ka Yamaha Mio Single Motorcycle nga gimaneho ni Rodel Pagaran hamtong ang panuigon nga residente sa Baguio Dist.ning syudad.
Subay sa imbistigasyon sa otoridad, naka-park ang ang fuel tanker daplin sa karsada apan kalit lamang nga gibanggaan kini sa motorsiklo ang wala nga bain sa truck.
Tungod sa kakusog sa pagkabangga nalagpot ang drayber sa motor nga miresulta sa iyahang pagka-angol.
Dali usab kini nga gidala sa Davao Adventist Hospital sa Bangkal ning syudad.
Samtang nakahiagom ug dakong danyos ang motor sa biktima ingon man ang gibanggaan nga tanker.
Sa karon ang nasampit nga sakyanan ang anaa sa kostudiya sa kapulisan samtang ang naangol nga drayber ang gibalhin na sa SPMC.
