DAVAO CITY – Anaa na karon sa kustodiya sa Governor Generoso Municipal Police Station ang usa ka Most wanted person sa nahisgutan nga dapit nga una ng nasikop sa gilusad nga operasyon sa kapulisan.
Kahinumduman nga malampuson nga nadakpan sa manhunt operations ang suspek nga si JOHN RICK NOB LUGANAO alyas “Janric”, 19 anyos, ulitawo, walay trabaho ug residente sa Purok 7-A Tubing Brgy. Poblacion, Governor Generoso Davao Oriental.
Nasikop ang nahisgutan sa Purok 7-A Tubing Brgy. Poblacion, Governor Generoso Davao Oriental pinasikad sa WARRANT OF ARREST nga gi-isyu ni EMILIO G. DAYANGHIRANG III, Presiding Judge, Regional Trial Court11th Judicial Region, Branch 32 Lupon Davao Oriental kaniadtong Nobyembre 11, 2020 gumikan sa kalapasan sa CARNAPPING (R.A 10883) diin walay girekomenda nga piyansa alang sa kagawasan niini.
Nasayran nga si Luganao ug laing tulo ka mga kaubanan niini nga lalaki ang nakuhaan sa CCTV sa nahisgutan nga buhatan nga maoy nag-carnap sa mga gipangkumpiska nga mga motorsiklo nga nakalapas sa RA 4136 ug temporaryo nga gikustodiya sa maong buhatan.
Sumala pa kang PMAJ AL ANTHONY GUMBAN, Chief of Police sa Governor Generoso Municipal Police Station nga magpadayon ang ilang paghatag og kalidad nga serbisyo sa mga katawhan sa Governor Generoso pinaagi sa ilang ilusad nga mga operasyon batok sa mga malapason sa balaod.
Pabilin karon nga gipangpaslak sa presohan ang mga dinakpan.
