Miabot sa kinatibuk-ang P253.378 billion ang giataganang pondo sa Department of Budget and Management(DBM) aron magamit isip cash assistance o nailang ayuda.
Kini ang nakabutang sa gikasugyot nga budget sa tuig 2025.
Matod pa sa DBM, pokus niini ang implementasyon sa mga economic and social transformations programs sa Marcos administration nga nakabutang ubos sa Philippine Development Plan (PDP) 2023-2028.
Nahilakip niini ang nagkadaiyang mga programa susama sa mga mosunod: Rice Farmers Assistance program and Fuel Assistance to Farmers and Fisherfolk sa Department of Agriculture; Cancer Assistance Fund, Medical Assistance to Indigent and Financially-Incapacitated Patients sa Department of Health; Tulong Panghanapbuhay sa Ating Disadvantaged Workers Program sa Department of Labor and Employment; Ayuda sa Kapos Ang Kita Program ug ang Pantawid Pamilyang Pilipino Program sa Department of Social Welfare and Development ug uban pa.
Matod pa sa DBM, ang pagahin ug dakong pondo isip ayuda sa mga kwalipikadong benepisyaryo ang pamaagi sa kasamtangang administrasyon aron mapataas ang kalidad sa kinabuhi sa mga nahisgutan.
Sa kasamtangan nga tuig, migahin ang gobyerno ug P318.5 billion.
