DAVAO CITY – Ipadayon sumala pa sa mosunod nga tuig ang month long celebration sa Kadayawan kini human namatikdan nga nakahatag kini ug dakong kontribusyon sa pagpromotar sa turismo sa dakbayan.
Sumala pa kang Davao Tourism Association (Data) president Gatchi Gatchalian nga pinaagi sa mga nagkadaiyang events matag semana atol sa kapiyestahan, misaka sumala pa ang ihap sa mga turista nga mibisita sa dakbayan.
Pinaagi sab sa pagpahigayon ug managlahi nga petsa sa Indak-indak ug pamulak sa kadayawan, mas matutukan sumala pa ang kaluwasan sa mga bisita ug turista ug makunhuran ang paghuot sa dagan sa trapiko sa mga nag-unang kadalanan sa siyudad.
Gitataw sab sa nahisgutan nga ang pagpahigayon ug uban pang events sa Kadayawan uban ang mga nag-unang aktibidad ang maka-promotar sab sa kultura, arts ingon man aktibidad ngadto sa mga Dabawenyos.
