Nabantayang mibalik ang pinakadako nga coast guard ship sa tibuok nasud nga mao ang ‘The Monster ‘ sa China o CCG 5901 duol sa Ayungin Shoal sa West PH Sea kagahapong adlawa.
Kini ang base post sa social media account nga X sa monitoring ni US Martime Secuirty expert nga si Ray Powell.
Sumala kay Powell nga mibalik ang dakomg barko sa China alang sa bag-ong intrusive patrol sa ecxlusive economic zone sa Pilipinas ug giubanan kini sa 102 meter nga CCG vessel 5203 sa Ayungin Shoals kagahapong adlawa.
Sa pagkakarong wala pa usab kumpirmasyon ang PH navy ug PCG kalabot sa presensya sa Monster ship sa WPS. Kahinumdumang ulahing nakita ang monster ship sa Ayungin Shoal niadtong milabayng Hunyo 24.
Nagsugod ang paglawig niini sa WPS nunot sa bangis nga insidente sa shoal tali sa CCG personnel ug tropa sa Pilipinas nga nagpahigayon og resupply mission sa BRP Sierra Madre outpost nga miresulta sa pagkaangol sa pipila ka mga Navy personnel lakip na ang Seaman First Class Jeffrey Facundo nga naputol ang kumagko niini.
Base sa una ng monitoring sa mga otoridad sa PH, miagi usab ang Chinese vessel sa 12 maritime features sa WPS sa sulod sa napulo ka adlaw.
Gawas niana, niadto usab ang dako nga barko sa katubigan sa El Nido, Palawan nga aduna lamang distansya nga 34 nautical miles gikan sa coastline.
