DAVAO CITY – Andam ang lokal nga kagamhanan sa dakbayan sa dabaw sa pag-abri sa labing una nga modern Halal ug Non-Halal slaughterhouses sa Malagos sa higayon nga aprubahan sa Slaughterhouse Management Board (SMB) ang ilang operasyon.
Gikanayon ni Slaughterhouse Master IV Engineer Joseph Gabut andam na ang full operation sa duha ka mga slaughterhouse dinhi sa dkabayan.
Sumala pa niini, andam na ang ilang manpower partikular na ang ma butchers o ang mga mag-ihaw, uban sa mga utility men, meat cutters, admin personnel, security ug uban pa.
Ang approval na lamang ang ilang gihulat sa karon, ug unsa mang orasa mamahimo na siyang magsugod sa pag-operate sa higayon nga hingpit na silang aprubahan.
Dugang pa ni Gavut nga ang SMB nga gilangkuban sa City Veterinarian’s Office, City Administrator, Bankerohan Livestock Multipurpose Cooperative, City Health Office, ug uban pang mga miembro ang gikatakda nga mopahigayon ug inspection sa mosunod nga semana sa logistics, manpower, ug uban pang mga pasilidad aron masuta kung andam na ba kini alang sa operasyon.
Gikatakda usab nga ipagawas ang resolution alang sa full operation sa 2 ka slaughter house una mahuman ang kasamtangan nga bulan.
kahinumduman nga gisugdan ang pagtukod sa 2 ka slaugterhouses niadtong tuig 2020.
Hingpit na sumala pang nahuman ang Non-Halal slaughterhouse samtang hapit na usab makompleto karon ang Halal Slaughterhouse diin sa karon naa na kini sa proseso nga pagsemento sa palibot sa areas, pagpintura, pagbutang ug screen sa mga agi-anan sa mga insekto, pagkompleto sa wastewater treatment pond ug ang pag-panday sa perimeter fence.
Dako sumala pa kining advantage alang sa mga poultry ug livestock raisers duol sa maong lugar, gawas pa nga ang Halal Slaughterhouse ang maghatag ug dugang market alang sa mga vendors.
