DAVAO CITY – Moabot sa baynte ka mga benepisyaryo sa programang EnTSUPERneur sa Department of Labor and Employmewnt (DOLE) 11 ug sa land transportation Franchising and regulatory board (LTFRB) 11 ang nakadawat ug Certificate of Entitlement.
Ang nahisgutang programa ang ilalom sa Stakeholder Support Mechanism Component of the Public Utility Vehicle Modernization Program (PUVMP).
Target sumala pa sa EnTSUPERneur Program nga matubag ang mmga suliran sa pagpatuman sa PUVMP sa industriya sa public transport. Makatabang sumala pa ngadto sa mga benepisyaryo ang nahisgutang programa pinaagi sa itugyan nga livelihood assistance paskages aron magbaton ug igong kakuhaan ug kapanginabuhian.
Sumala kang DOLE XI Regional Director Atty. Randolf Pensoy, iyang gilauman ang positibong epekto sa programa sa mga apektadong stakeholders.
Gawas sa aisstance nga ihatag sa mga mawad-an ug kapanginabuhian nga mga PUJ drivers magbaton usab sila ug kahigayunan alang sa skills enhancement, capacity-building, ug entrepreneurial ventures.
Samtang, gipaslaig usab ni LTFRB XI Regional Director Don Llanos III walay mabilin sa sektor sa industriya sa trasportasyon luyo sa pagpatuman sa transport modernization.
