DAVAO CITY – Malampuson nga nasikop sa otoridad atol ilang gipahigayon nga Oplan Paglalansag Omega ug Oplan Salikop sa Sitio Dangilas, Brgy PM Sobrecarey, Caraga, Davao Oriental ang usa ka pinangita nga suspek nga nag-atubang ug kaso.
Naila ang ginakpan Harry Masugod y Lagungan, 47 anyos, minyo, residente sa Sitio Dangilas, Brgy PM Sobrecarey, Caraga, Davao Oriental.
Gihimo sa otoridad ang pagsikop human nga ilang gipatuman ang gipagulang Search Warrant nga gi-isyu ni RTC Judge Emilio G Dayanghirang III tungod sa kalapasan sa Republic Act No. 10591 & 9516 (Comprehensive Firearms and Ammunition Regulation Act).
Narekober gikan sa dinakpan ang pipila ka mga ebidensiya nga gilangkuban sa usa ka unit sa cal. 357 revolver nga adunay unom ka mga buhing bala; usa ka Air rifle nga puno sa pellet, ug gamay nga pouch sa airgun ammo nga gi-undan ug duruha ka mga pellets, tulo ka ammo alang sa 12ga shtgn, duruha ka bala sa cal 5.56, usa ka ammo alang sa cal. 38 ug tulo ka rifle grenades ug usa ka (1) plastic container.
Gikanayong ang suspek usa ka bag-ong miyembro sa Repolyo Gun-for-hire criminal group (DI listed) nga nag-operate sa probinsiya sa Davao Oriental, Davao De Oro ug Caraga Region.
Ang nasikop nga suspek ang anaa karon sa kustodiya sa Caraga Police station.
Gipasalig sa CIDG RFU11 nga magpadayon ang ilang suporta ingon man kampanya sa kasamtangang administrasyon batok loose firearms ingon man pagbungkag sa mga criminal gangs.
