DAVAO CITY – Gi-andam na ang kaso batok sa usa ka lalaki nga gikanayong miyembro sa Carin criminal group nga nakuhaan ug mga dili lisensiyado nga mga armas atol sa gipatuman nga search warrant sa otoridad Purok Dahlia 1, Barangay Mapawa, Compostela Valley.
Naila ang suspek nga si Antonio Gallarde alias Budoy.
Gipangunahan ang nahisgutan nga operasyon sa Criminal Investigation and Detection Group (CIDG) Compostela Valley kaabag ang Maragusan Municipal Police Station.
Nag-atubang sumala pa ang nahisgutan ug kasong kalapasan sa Republic Act (RA) 10591 o Comprehensive Firearms and Ammunition Regulation Act pinasikad sa gi-isyu ni Judge Carmel Gil Grado.
Nakuha sa posisyon ni Gallarde ang mga dili lisensiyado nga mga armas, bala ug daghanan pa.
Gikanayong nag-operate ang grupo sa nahisgutan sa Compostela Valley ug uban pang kasikbit nga probinsiya.
Pipila sa mga armas nga nakuha sa iyang posisyon ang gilangkuban sa duruha ka caliber .38 revolver diin usa niini adunay tulo ka mga buhing bala, usa ka caliber .45 pistol; usa ka .45 caliber pistol; usa ka improvised Cal. 22; duruha ka Caliber .22 barrel; usa ka Angle Grinder; usa ka (Contender) drills press; usa ka M16 magazine; usa ka homemade barrel set; pito kla mga nagkadaiyang springs sa armas; usa ka biscript tool; usa ka hand drill; ug usa ka Holster (black).
Ang nasikop nga suspek gikustodiya karon sa Maragusan Police alang sa tukma nga disposisyon.
