DAVAO CITY – Nahimutang sumala pa gawas na sa protected areas ang mining site sa Austral-Asia Link Mining Corporation ug ang Hallmark Mining Corporation nga adunay kinatibuk-ang 17,215.49 ka iktarya nga gilapdon.
Kini ang kasiguruhan nga giluwatan sa lokal nga kagamhanan sa Mati City sa probensiya sa Davao Oriental human nang-gawas bag-uhay pa lamang ang mga hulagway sa nahisgutang mining site nga nahimutang sa Barangay Macambol, syudad sa Mati, nga mireuslta sa kabalaka sa mga residente labot sa mamahimonng epekto niini sa kinaiyahan.
Gikanayon sa Mati City Environment and Natural Resources Office (CiENRO) nga ang nahisgutang mining area ang naa nahimutang mga 4 ka kilometro ang gilay-on gikan sa boundery sa Pujada Bay Seascape nga nailang usaka protected area.
Gawas na usab sumala pa ang maong mining area sa Mt. Hamiguitan Range Wildlife Sanctuary nga gideklara usab isip usaka Unesco-heritage site.
Gitin-aw usab sa Mati CiENRO nga ang mining operation ang gihatagan ug Mineral Production Sharing Agreement sa Department of Environment and Natural Resources (DENR) niadtong 2004 ug nag-operate na sukad sa nahisgutang panahon.
Ug sa dihang gipatuman sa Duterte administration ang nationwide ban sa open-pit mining niadtong 2017, gipahunong usab sa mining company ang ilang operasyon.
Gawas sa MPSA, ang maong mining company nga gidumala usab Hallmark Mining ang gihatagan ug environmental compliance certificate (ECC) national government nga nagpamatuod nga ang development, construction ug operation sa mine/quarry dili maghatud ug dautang epekto sa kinaiyahan.
Gihatagan usab sumala pa sa DENR ug “special tree cutting permit” ang nahisgutang mining company.
Gimugna usba sumala pa ang usaka multi-partite monitoring team (MMT) aron mag-monitor sa istriktong pagpatuman ug pagsunod sa pipila ka mga environmental safeguards aron masiguro ang pagpanalipod sa kinaiyahan.
