DAVAO CITY – Nabalintong ang usa ka modernong mini bus sa highway sa Purok 3, Balutakay, Hagonoy Davao Del Sur karong hapon.
Subay sa inisyal nga imporasyon gikan sa mga otoridad usa ka modernong mini bus nga Mintranssco ang nadisgrasya nga gumikan sumala pa sa kadanlog sa karsada pasado alas dos karong hapon.
Nasayran nga gikan sa Sta. Maria Davao Occidental ang mini Bus ug padulong kini sa Digos City.
Sa inisyal nga imbistigasyon, adunay gi-overtikan sumala pa nga kotse ang maong bus nga maoy hinungdan nga nadisgrasya kini.
Sa pagkakaron gipangdala na ang mga pasahero sa Davao Del Sur Provincial Hospital gumikan sa ilahang pagka-angol nga adunay pasahero nga naipit gumikan sa maong panghitabo.
Samtang adunay usa ka babaeng pasahero nga anaa karon sa Davao del Sur Provincial Hospital ang gitouhan nga nakabsan sa kinabuhi gumikan sa pagkaipit human nga nahayang ang nasampit nga mini bus.
Gihulagway kini nga usa ka babae nga hamtong, nakasuot ug pink nga jacket ug itom nga pantalon ug tambokon ang panglawas.
Sa pagkakaron padayon ang gipahigayon nga imbistiagasyon sa mag otoridad.
