DAVAO CITY – Gitambongan sa nagkadaiyang sektor ang gipahigayon nga Mindanao Hog raisers forum dinhi sa dakbayan sa Davao diin tumong niini nga ma-protektahan ang hog industry batok sa pagsulod sa African Swine Fever (ASF).
Ang nahisgutan nga aktibidad gitambongan sab ni Mindanao Development Chair Manny Piñol diin gihangyo niini ang mga stakeholder nga tungaon sa tulo ka cluster ang Quarantine area sa nasod diin ang cluster 1 mao ang Luzon, Cluster 2 ang Visayas ug Cluster 3 ang Mindanao.
Sa nahisgutan sumala pa nga pamaagi, pabilin nga maprotektahan ang mga hog raiser nga wala naapektohan ang iyang mga binuhing baboy sa ASF bisan nga adunay outbreak sa pipila ka bahin sa nasod.
Suportado sab ni Piñol ang gidusong resolusyon sa City Council nga temporaryong i-ban ang pagsulod sa karneng baboy dinhi sa dakbayan hangtud nga dili pa masulosyonan ang suliran sa ASF sa nasod.
