Gisiguro ni Mindanao Development Authority (MinDA) Secretary Leo Tereso A. Magno sa mga taga-Mindanao nga ang administrasyon ni Pangulong Ferdinand ‘Bongbong’ Marcos Jr. ang nakasentro sa pagduso sa pagpatuman sa mga nag-unang proyekto nga pang-imprastraktura sa Mindanao.
Gihatagan usab og gimbug-aton ni ang Magno ang panaad nini nga makiglambigit sa mga ahensya nga responsable alang sa mga proyekto aron masiguro ang paglambo niini. Gibutyag usab niini nga usa sa mga prayoridad ni Pres. Ferdinand Marcos Jr. ang railway project sa Mindanao kong diin base sa plano sa ahensya, himuong 2 trak ang railwai nga magsumpay sa amihanan ug habagatan nga bahin sa Davao City.
Ang unang bahin sa Mindanao Railway Project ang magsugod sa mga pre-construction activities sa Davao City, Tagum City ug Digos City.
Sa kinatibuk-an ag MRP ang adunay gitas-on nga 1,544 kilometros nga magsubay sa Davao, General Santos, Cagayan de Oro, Iligan, Cotabato, Zamboanga, Butuan, Surigao, ug Malaybalay sa Bukidnon City.
Sigon pa ni Sec. Magno nga usa ang agricultural sector sa prayoridad usab sa kasamtangang administration hilabi na dinhi sa Mindanao nga sumala pa dunay nindot nga yuta.
Apan gibutyag usab ni Sec. Magno nga daghan og pagsulay nga ginaatubang ang MinDa og isa na niini ang problema sa pundo alang sa daghanang project nga pagahimoun.
Sumala pa sa opisyal nga ang Department of Trasnportation ang nagapangita usab og mga alternatibo nga makuhaan og pondo sama sa Official Development Assistance gikan sa mga langyaw ug mga internasyunal nga bangko.
via/ DMA
