DAVAO CITY- Gibarugan ni Mindanao Development Authority Chairperson Mabel Acosta nga dili niini bakantihon ang posisyon nga iyahang gihuptan karong panahuna taliwala sa bag-ong appointment nga gipirmahan ni Pang. Ferdinand Marcos Jr.
Nasayran nga gituboy sa Pangulo si Presidential Assistant for Eastern Mindanao Leo Tereso Magno isip bag-ong MinDA chairperson.
Una ng gipirmahan ni Pang. Marcos ang pagtuboy kang Magno niadtong Mayo 13, sa miaging semana.
Ang kasamtangan nga Minda Chair nga si Acosta ang una ng gituboy ni kanhing Pang. Duterte niadtong Enero 2022, unom ka bulan ayha matapos ang iyahang termino.
Sa pamahayag ni Acosta, gikanayon niini nga dili niini bakantehon ang maong psosiyon sanglit wala siya gitanggal ilabi pa nga wala siya nag-atubang ug kasong administratibo ug mga kasong kriminal.
Subay sa Republic Act No. 9996, kon the Mindanao Development Authority Act of 2010, Section 7, giknayaon niini nga ang Chairperson adunay unom ka tuig nga termino sugod sa adlaw nga siya gituboy sa posisyon sa Presidnte sa nasud gawas kung gitanggal kini gumikan sa mga bug-at nga mga rason.
Apan sa 1987 Philippine Constitution gikanayon sab niini nga ang Pangulo sa nasud ang adunay gahom sa pagtudlo kon pagtuboy ug pagtanggal sa maong katungdanan.
Nasayran nga una ng nanggawas ang mga hungihong nga ang kasamtangang administrasyon ang adunay problema sa hisgutanang trust and confidence sa MinDA chair.
Sa pamahayag ni Acosta karong adlawa pinaagi sa social media, gibarugan niini nga magpabilin kining molingkod isip MinDA chair ug gimanduan ang mga empleyado nga makig-alayon kaniya ug dili sa bag-ong gituboy sa Pangulo.
Karong hapon lamang, nagpatawag si Acosta ug usa ka General Assembly sa mga staff niini. Samtang pabilin sab nga nagpakahilom karon si Magno kabahin sa maong isyu.
via// DMA
