DAVAO CITY – Pabor sumala pa ang kasundalohan ingon man ang kapulisan nga dili na ilakip ang dakbayan sa Davao sa balaod militar kini subay sa ulahing hangyo ni Mayor Inday Sara Duterte-Carpio.
Sumala pa kang Lt. Gen. Felimon Santos, Jr., commander sa Philippine Armed Forces’ Eastern Mindanao Command (EastMinCom) nga mamahimo na matud pa nga dili ilakip ang dakbayan kini tungod maayo na karon ang sitwasyon sa mga barangay sa dakbayan ilabi na ang Paquibato District nga kanhi gipundohan sa mga rebeldeng grupo.
Gani nakasikop na matud pa sila ug mga miyembro sa New People’s Army (NPA) sa Barangay Tamayong sa Calinan District apan wala sumala pa kini nalambigit sa bisan unsa man nga pagpangatake sa dakbayan.
Gi-review pa sab karon sa national headquarters sa AFP ang maong rekomendasyon gumikan kay kinahanglan pa sab nila nga subayon ang sitwasyon.
Gipasalig sab ni Santos nga bisan walay Martial law sa dakbayan, pabilin sumala pa nila nga pahugtan ang pagpatuman ug seguridad.
Suportado sa opisyal ang panawagan gumikan kay pinaagi niini, daghanan sumala pang mga foreign investors ang mosulod dinhi sa siyudad.
Una na sab nga gibutyag ni Brig. Gen. Marcelo Morales, police regional office director, nga gisumite na niya ang iyang assessment ngadto sa national police headquarters sa milabay nga semana.
