DAVAO CITY – Gipasigarbo sa militar nga padayon sumala pa karon nga mihinay ang puwersa sa mga rebeldeng grupo diin pagpamatuod niini ang taas nga ihap sa mga misurender o mibalik sa sabakan sa kagamhanan.
Kahinumduman nga sukad Enero hangtud Setyembre ning kasamtangan nga tuig, anaa sa 455 na ang misurender, 48 niini ang namatay, 63 ang nadakpan o nasikop.
Anaa sab sa 634 ka mga militia ng bayan ang mibalik sa sabakan sa gobyerno samtang 3,071 ang under ground mass organization (ugmo).
Daghanang mga armas ug ekplosibo sab ang narekober ug nakumpiska sa militar sa nahisgutan nga panahon.
Gipasalig sab sa kasundalohan nga ilang ipadayon ang pagpakiglambigit sa mga nagkadaiyang sektor sa katilingban aron lamang mapadayon ang pagpatuman sa kahusay ug kalinaw sa matag barangay sa Davao region.
