DAVAO CITY – Giakosahan sa mga hut-ong sa mga operators ug PUJ drivers ang kagamhanang dakbayan isip mao ang mopatay sa ilang panginabuhi-an.
Kini gumikan sa plano ni Davao City Mayor Inday Sara Duterte-Carpio nga pagpadagan sa mga bus sa rota sa mga jeep subay sa high priority bus system projects.
Sumala sa president sa Southeastern Mindanao Drivers and Operators Cooperative (SEMDDOC) Maning Duran, dili mabuhi sa high priority buses project ang mga operators gumikan kay dili sila makapalit ug modern nga mga bus.
Dili sab sila magsilbi sa hanyag sa LTFRB-11 nga mag-drive na lamang sila ug mga bus.
‘Naa may Ginoo sa taas nga motan-aw kanato. Wala gyud mi’y mahimo ana jud, patyon gyud mi sa goberno. Dili gyud mi makapadayon sa panginabuhi, dili sab mi makapa-eskwela sa among anak. Parehas namo nga edaran na din a gyud mi makapalit sa among mentainance.’ Si Maning Duran, Presidente sa grupong SEMDDOC.
