DAVAO CITY – Mikabat sa halos 40 ka mga kanhi miyembro sa New People’s Army (NPA) ang miboto sab kagahapong adlawa diin giila nila kini nga makasaysayan gumikan kadaghanan sa mga nahisgutan ang una nga nakaboto.
Kadaghanan sa mga nahisgutan ang miboto sa Kanacan Elementary School sa Marilog District.
Gigiyahan ang mga kanhi rebelde sa ilang pagboto sa mga sakop Revitalized Pulis sa pagpanguna ni PLt. Carlo Magno ug gitabangan sab sila sa mga personahe sa Commission on Elections (Comelec).
Wala nahimong babag sa kanhi rebelde ang daut nga kahimtang sa panahon arun lamang makaboto diin kadaghanan sa mga nahisgutan ang nanimuyo sa Sitio Sandunan ug Sitio Kanacan nga miadto lamang sa mga tulonghaan aron nga moboto ug arun nga ipakita ang ilang pakighiusa sa gobyerno.
Nagpadayag sab sa ilang pagpalasamat ang mga kanhi rebelde gumikan kay gigiyahan sila arun nga makaboto.
