Nakatakdang ilusad sa Social Security System (SSS) ang pag-abri sa microloan programs ug ang pagtaas sa pension alang sa ilang mga benepisyaryo sa umaabot nga tuig.
Sumala sa pamunuan sa SSS, posible nga ipatuman ang dugang pension sa unang bahin sa Setyembre isip kabahin sa ilang three-phase pension reform, kauban ang pagpalapad sa domestic ug overseas operations ug pagdawat og dugang personnel alang sa mas epektibong serbisyo publiko.
Ang microloan programs gilauman nga ipatuman sa pagsugod sa tuig 2026, human kini maaprubahan sa Social Security Commission niadtong Disyembre 17.Sumala kang SSS President ug CEO Robert Joseph Montes de Claro, ang mga inisyatibo nagtinguha sa pagtabang sa mga benepisyaryo.
Samtang, nakatakda usab ang sunod nga dugang pension sa Setyembre 2027 isip kabahin sa padayon nga pension reforms sa SSS.
