Aduna nay gi-assess nga duha ka mga relocation sites ang Mines and Geosciences Bureau XI alang sa mga biktima sa pagdahili sa yuta sa Brgy. Masara, Maco, Davao de Oro.
Ang maong mga lugar ang nahimutang sa Brgy. Panibasan ug Barangay Calabcab sa susamang munisipalidad.
Sumala pa ni Beverly Mae Brebante, Officer in Charge sa MGB XI, nga base sa nahimo nilang assessment, ang duha ka mga site ang layo sa mga posibilidad nga pagbaha ug pagdahili sa yuta diin dakong tabang gayud aron nga malikayan ang mga dili maayong insidente sama sa nahitabong pagdahili sa yuta nga gikamatay sa daghanang indibidwal.
Dugang pa sa maong buhatan nga ang lokal nga panggamhanan sa lugar ang nag-propose na og 28 ka mga lugar alang sa assessment kung diin 14 niini ang na-assess na nga adunay potensyal sa kalamboan.
Kahinumduman nga daghanang mga pamilya ang gipapahikling ug temporaryo usa gipapuyo layo sa mga landslide prone areas samtang ginapangitaan pa og pwde nilang mapuy-an human sa nahitabong insidente kaniadtong bulan sa pebrero ning tuig kasamtangan nga maoy hinungdan sa pagkamatay sa dul-an usa gatus ka mga indibidwal
