DAVAO CITY – Padayon lamang gihapon nga ipagamit sa Department of Education (DepEd) ang mga public school buildings nga gigamit sa gobyerno isip Temporary treatment and monitoring facilities sa mga covid positive patiesnts ug samang higayon gigamit usab isip mga vaccination sites.
Tungod niini, gikanayon ni Dodong Atillo, tigpamaba sa DepEd 11, nga dili kalakip sa face to face classes ang mga tulunghaan sa davao region nga kasamtangang gigamit nga isolation facilities ug vaccination sites sa kagamhanan.
Dinhi sa dakbayan sa dabaw, unom ka mga tulunghaan ang gigamit sa lokal nga kagamhanan nga gilankguban sa Magallanes Elementary School, Palma Gil Elementary School, Bolton Elementary School, Vicente Hizon Elementary School, ug Mintal Comprehensive National High school.
Kahinumduman nga niadtong milabay nga adlaw gipahibalo na sa davao city LGU nga ibalik na niini ngadto sa DepEd ug hingpit nang biyaan ang mga government school buildings nga gigamit isip TTMF ug covid 19 vaccination site alang sa pagpangandam sa pagbalik sa face to face classes sa syudad.
Sa pikas bahin, subling gitin-aw ni Dodong Atillo nga dili mandatory alang sa mga estudyante ang covid vaccination atol sa pagbalik sa face to face classes. Sumala pa niini nga ang mahinungdanon sa DepEd adunay pagtugot gikan sa mga ginikanan nga uyon kini aron actual nang maka-tambong sa klase sa mga tulunghaan ang ilang mga anak.
Sa karon bugtong kamanduan sa deped nga kinahanglang fully vaccinated ug nakapa-booster dose ang tanang mga magtutudlo nga moatubang sa ilang mga tinun-an.
Ang mga dili bakunado i-assign sumala pa sa online classes ug sa modular.
