Mga tribal leaders padayon nga nanawagan sa pagbungkag sa Salugpongan Schools

DAVAO CITY – Padayon karon ang panawagan sa tribal leaders sa nagkadaiyang lalawigan sa Mindanao nga unta hingpit na nga bungkagon ang tanan nga mga tulonghaan nga gidumala sa Salugpongan kinsa gigamit lamang sumala pa ang mga batang  lumad aron nga magrebelde sa gobyerno.

Gikanayong kadaghanan sumala pa sa mga lumad ang nakamata na sa kamatuoran nga gipanglinla lamang sila sa mga rebelde ug gisaaran nga hatagan ug maayong kaugmaon apan wala natuman.

Una ng giyagyag ni Datu Malapandaw Nestor Apas, sa Langilan Manobo Tribe-Davao del Norte nga nagapangayo sumala pa ug pundo ang Salugpongan sa mga organisasyon sa langyaw’ng dapit diin ang ilang makuha nga kuwarta maoy ilang ipalit ug mga armas ug gamiton sumala pa sa pagpatay sa mga lumad.