DAVAO CITY – Hingpit nang gikasuhan ang mga suspek nga nalambigit sa kamatayon sa negosyante ug modelong si Yvonnette Chua Plaza.
Subay sa resulta sa natigayong imbestigasyon sa Special Investigation Task Force Plaza, usa sa mga gitudllong salarin ang kanhi PSG ni kanhi Pangulong Rodrigo Duterte ug commander sa 1001st Infantry Brigade nga si Brig. General Jesus Durante III, lakip ang lain pang mga suspek nga sila Col. Michael Licyayo, Deputy Brigade Commander sa 1001st sa Infranty Brigade, Staff Sargeant Gilbert Plaza, Sgt. Delfin Sialsa Jr., Cpl Adrian Cachero, Private First Class Rolly Cabal, PFC Romart Longakit, mga sibilyan nga sila Noel Japitan ug alyas Jr ug ang escort ni BGeneral Durante nga si alyas Master Sergeant.
Silang tanan, mag-atubang ug patong-patong nga kasong murder, theft, ug obstruction of juctice.
Gikanayon ni PRO 11 Regional Director, PBGen. Benjamin Silo Jr. nga Crime of passion ang gitudlong nag-unang motibo sa krimen, diin gikumpirma sab sa NBI nga dunay gibawal nga relasyon sila Durante ug Plaza, ug matod pa gibuhat ang maong krimen tungod sa selos.
Gikanayon sab ni Silo Jr. nga cleared na ang maong kaso apan dili pa case closed gumikan padayon pang gawasnon ang pipila ka mga suspetsado.
Kahinumduman nga gipusil-patay ang negosyante ug modelo nga si Yvonnette niadtong Disyembre 28, 2022 sa Green Meadows Subdivision, Tugbok District ning syudad sa Davao.
Gipasalamatan ni Silo ang kooperasyon sa mga ahensya nga nagpasidaan sa ilang tabang aron sa daling panahon, masulbad ang kaso.
Sa gihimong imbestigsyon mahitungod sa kamatayon sa negosyanteng si Yvonnette Chua Plaza, nasayran sa hinusang pwersa sa SITG Plaza, adunay mga nasayrang impormasyon sa ilang pagpanubay sa maong kaso.
Ilang giila isip gunman si Sargeant Delfin Sialsa Jr., ug si Corporal Adrian Cachero nga giiang drayber sa motorsiklo nga gigamit sa pagpamatay kang Plaza.
Nitug-an ang mga nahisgutan pinaagi sa usa ka extrajudicial affidavit. Samatang giturn-over sab nila Sialsa, Cachero, ug ni Noel Japitan ang mga ebidensya sama sa gidismantle ug gikoloran nga motorsiklo, jersey, ug ang pusil nga gigamit sa pagpatay ni Plaza.
Gikanbutyag sab ni Brig. Gen. Allan Hambala, assistant division commander sa 10ID nga iyang gipapahawa sa pwesto sila Durante ug Colonel Michael Licyayo human sa pagkalambigit sa krimen; og si Sialsa mismo ang nagbutyag nga si Durante ang mastermind sa kamatayon ni Plaza.
Narekober sab ang usa ka Macbook nga nag-unod og mga hulagway ug email messages nila Plaza og Durante. Una na sab nag-post si Plaza mga hulagway nga nagpakita nga gimaltrato diay siya sa heneral ug matud pa, gi-blackmail niya ang biktima.
Gilayong gitanggal na sab sa serbisyo si Durante human nasangit ang iyang pangalan human sa pagkamatay ni Plaza.
Naglaum ang SITG nga ilang nalukop ang sanga-sangang mga impormasyonn ug ebidensya nga may kalabutan sa krimen.
Kasamtangang gikustodiya na sa headquarters sa Philippine Army sa Taguig sila Durante og Licyayo.
Samtang nakatanggong sa 10ID headquarters sa Davao City ang lain pang pangalan nga nadawit sa krimen.
via || Bombo LJF
