DAVAO CITY – Kasong swindling ug illegal possession of firearms and ammunition ang iduso sa mga suspek nga nangadakpan human nga namaligya ug mga peke nga gold bars atol sa gipahigayon nga entrapment operation sa Bansalan Davao del Sur.
Kahinumduman nga atol sa operasyon sikop ang gikanayong miyembro sa notorious Sumalinog swindling and robbery group nga nailang sila si Ritchel Bacea Adoptante, 38, residente sa Sta. Cruz Davao del Sur samtang nakaikyas ang laing duruha ka mga kaubanan niini.
Sumala pa kang Brig. Gen. Marcelo Morales, Police Regional Office-11 (PRO-11) director, nga ang duruha ka mga suspek nga nasikop ang naila nga sila si Darwin “Awing” Sumalinog, gikanayong lider sa grupo ug usa ka Randy Sumalinog.
Una ng gisulayan sa mga suspek ang pagbaligya ug peke nga gold bars sa usa ka buyer nga gikan sa Luzon uban ang initial payment nga PHP300,000.
Gilayon nga nanawag ang buyers ug police gumikan kay nagduda kini nga peke nga gold bars ang gihatag kaniya.
Narekober sa kapulisan ang 11 ka mga peke nga gold bars, salapi, caliber .38 revolver, ug uban pang nahipus nga ebidensiya.
Balhug karon sa Bansalan Municipal Police Station ang mga suspek alang sa tukma nga disposition dungan sa iduso nga kaso.
