DAVAO CITY – Naguba ang past time nga sugal sa mga dinakpan atol sa gikasang anti-illegal operation sa Purok 1. Brgy. New Cebulan, Montevista, Davao De Oro.
Gipangdakop sa mga sakop sa Montevista Municipal Police ang mga nagpahigayon ug Cara Y’ Cruz nga sila Marvin C. Gudito, 24 anyos, residente sa Purok 5, Prosperidad, Montevista, Davao De Oro; Zaldy D. Veloso, 50 anyos, taga-Purok 9, Siocon, Compostela, Davao De Oro; ug Joel D. Doyog, 30 anyos, lumlupyo sa Purok 3, New Cebulan, Montevista, Davao De Oro.
Apil sab sa mga gipangsikop ang mga nagpa-sabng sa lugar nga sila Roy Vallejos, 41 anyos; Danilo Narca, 55 anyos; Jowel Cris Gatela, 32 anyos; ug Larry Adam Jr, 37 anyos; pulos magkakabarangay.
Nakumpiska gikan sa mga dinakpan ang mga hinagiban sa cara y cruz lakip ang mga manok nga pantari.
Gipasaka na ang kaso batok sa pito ka mga sugarol.
