DAVAO CITY – Gibutyag sa lokal nga panggamhanan nga ang mga natanggong nga mga residente sa siyudad nga anaa karon sa uban nga areas sa Mindanao mamahimo na nga makauli sugod karong adlawa, Mayo 6 diin sugdan kini alas otso sa buntag hangtud na sa alas kuwatro sa hapon gamit ang pribadong sakyanan.
Tipik lamang ang desisyon sa lokal nga kagamhanan human ang duruha ka bulan nga lockdown sa siyudad diin daghanang mga residente nga anaa sa mga kasikbit nga lugar ang wala pa nakauli dinhi sa dakbayan.
Una ng gibutyag ni Davao City Mayor Inday Sara Duterte nga ang mga Davao City residents nga natanggong sa uban nga lugar sa Mindanao mamahimo na nga makauli gamit ang pribadong sakyanan apan kinahanglan nga makiglambigit sa lokal nga panggamhanan sa higayon nga mosulod.
Gitataw sab ni Mayor Inday nga gawas nga tugtan na ang pagbalik sa mga residente, itugot na sab sumala pa ang pagkuha sa mga na-stranded nga mga indibidwal dinhi sa siyudad.
Sa higayon nga makuha na ang mga natanggong nga indibidwal nga anaa dinhi sa siyudad, kinahanglan nga makabiya na kini sulod sa 12 ka oras.
Gi-una sumala pa karon ug kuha kadtong mga residente nga nakakuha ug ticket kaniadtong bulan sa Marso apan wala nakauli tungod sa lockdown ingon man mga OFWs nga natapos na ang ilang quarantine.
