Gikabutyag nga didto sa Brazil nasayran nga dili lamang tawo ang migamit ug cocaine gumikan kay naapil na usab niini ang pating kun shark.
Matod pa sa mga scientists, ang mga sharks kuno sa kabaybayunan sa Brazil ang nagpositibo sa cocaine.
Gi-testingan sa mga Marine biologists ang 13 ka mga Brazilian sharpnose sharks nga nakuha sa kabaybayunan haduol sa Rio de Janeiro nga mao ang kapital sa nahisgutang nasud, nadeskubrehan nagbaton ug hataas nga level sa cocaine ang mga muscles ug liver niini.
Ang nahisgutang pagtuon ang gihimo sa Oswaldo Cruz Foundation nga unang nadeskubrehan ang presensya sa cocaine ngadto sa shark.
Apan gipahayag sa mga experto nga mamahimong nakaabot sa dagat ang cocaine gumikan sa mga illegal laboratories kung diin ang nahisgutang ilegal nga druga ang gimugna ug sa mga drug users.
Gikabutyag nga ang nahisgutang ilegal nga druga ang mamahimong adunay epekto sa shark susama usab sa tawo.
