DAVAO CITY- Gipahigayon ang usa ka ocular inspection kaganihang buntag sulod sa KOJC compound sa pagpanguna sa Committee On Human Rights sa senado.
Ang nasampit nga imbistigasyon sa komitiba gipangunahan sa mga senador nga sila Ronald “Bato” Dela Rosa, Lawrence “Bong” Go ug Robinhood Padilla ug uban ang opisyal LGU Davao ug mga media.
Atol sa nasampit nga inspection, nadiskubrihan sa mga nasampit nga opisyal ang gikaingon nga bag-o sumala pa nga gisemento nga flooring sa basement sa JMC sulod sa KOJC.
Lakip usab sa nadiskubrihan ang mga naukab sumala pa nga carpet sa altar nga bahin sa Cathedral sa KOJC.
Gisubay usab sa mga senador ang hangar ug ubang bahin sa gibana-banaan nga traynta ka ektarya nga luna sa KOJC compound.
Una ng gisulod ang nasampit nga compound sa kapulisan tungod sa nakaong-ong nga warrant of arrest batok kang Pastor Quiboloy.
Karong hapon gipahigayon ang senate hearing sa Sanguniang Panglungsod dinhi sa dakbayan nga pagatambungan usab kini sa mga kadagkoang opisyal nga gikan sa kapulisan ug uban pang mga opisyal sa nagkadaiyang ahensya sa kagamhanan.
