DAVAO CITY – Gikatala sa Davao City Police Office – Traffic Enforcement Unit nga anaa sa kapin otso mil ang gikatalang mga sakyanan nga nalambigit sa mga aksidente gikan Enero hangtud Oktubre ning tuiga.
Sigon sa datos sa ahensya, anaa sa 8,473 ka mga sakyanan ang nalambigit sa mga road crashes sa maong panahon.
Nasayran nga nisaka ang ihap og 18% kon itandi sa 7,187 vehicles sa susamang panahon sa milabayng tuig. Sumala pa ni TEU Chief PMAJ. Dexter Domingo, kasagaran niini mga kotse, private vehicles, truck ug motorsiklo.
Nag-una sa mga gidangatan mao ang Damage to Properties, Minor Physical Injuries, Serious Physical Injuries, ug Homicide nga anaa sa 1%. Dugang pa nga rason sa aksidente mao ang human error, road defect ug vehicle defect.
Nasayran nga nagapahinabo ang mga aksidente sa mga sakyanan gikan alas-diyes sa buntag hangtud alas-dose sa udto; ug gikan alas-dos sa hapon hangtud alas-kwatro sa hapon.
Nagpahinudom karon ang TEU sa mga motorista nga mamahimong attentive, magbinantayon, ug maunungon sa pagsunod sa mga balaod trapiko.
via || Bombo LJF
