Mga sakop sa PRO XI, kanunay andam sa pagmentina sa ilang standard body mass index

DAVAO CITY – Wala sumala pay problema sa Police Regional Office (PRO) 11 ang kamandoan nga kinahanglan imentina sa kapulisan ang ilang standard body mass index o timbang gumikan kay dugay na matud pa nila kini nga gipatuman.

Kahinumduman nga hugtanon ang kamandoan ni PNP OIC chief Archie Gamboa dungan sa pagbutyag nga dili tugtan ang mga pulis nga adunay bug-at nga timbang nga makapadayon sa ilang schooling.

Sakop sa nahisgutan nga kamandoan ang mga personahe gikan sa patrolmen ngadto na sa mga generals.

Sumala pa kang Capt. Rose Aguilar, tigpamaba sa Davao City Police Office (DCPO) nga adunay mga programa nga gipatuman ang kapulisan sa dakbayan aron nga mapabilin kini nga fit ug mahimo nila og tarong ang ilang trabaho.