DAVAO CITY – Nagpadayon karon ang pagtahan sa mga sakop sa New People’s Army (NPA) sa nagkadaiyang units sa Eastern Mindanao Command.
Una ng gibutyag ni Lt. Col. Ezra Balagtey, tigpamaba sa EastMinCom, nga ang ulahing mitahan niining milabay nga adlaw mao ang upat ka mga miyembro sa NPA.
Usa ka alyas Tonton, squad leader sa NPA nga gimonitor sa Cotabato- Davao City-Bukidnon tri-boundary, ang mitahan sa barangay officials sa Perez, Kidapawan City, North Cotobato.
Ang nahisgutan nga surrenderee, usa ka miyembro sa Manobo tribe gikan sa Antipas, North Cotabato diin dala niini ang iyang M16 rifle ug mga bala.
Gi-turn over ang nahisgutan sa 72nd Infantry Battalion alang sa custodial debriefing ug assessment.
Sa pikas nga bahin, tulo sab ka mga miyembro sa NPA nga gimonitor sa Surigao del Sur ang mitahan sa 3rd Special Forces Battalion pinaagi sa tabang sa Tandag City barangay officials.
Naila ang mga nahisgutan nga sila si alias Kakar, 34, sa Barangay Awisan, Tandag City, kanhi squad leader; alias Elmo, 37, sa Barangay Castillo, San Miguel, Surigao del Sur, kanhi team leader; ug alias Rosa, 28, kanhi supply officer.
Dala sa mga nahisgutan ang M4 Bushmaster Carbine rifle.
Samgtang ang guerilla unit sa Maco ug Mawab Compostela Valley ang padayon sumala pa karon nga naluya human nga mitahan ang pito nila ka mga Militia ng Bayan members ngadto sa71st IB sa Barangay Nueva Visayas, Mawab sa milabay nga semana.
Pito sa mga nahisgutan ang naila nga sila si Alyas, Bebot/Olbot, Jojo, Tata, Jimmy, Bording, ug Oning, 49 anyos. Samtang nanawagan si Lt. Gen. Felimon T. Santos Jr., commander sa Eastern Mindanao Command ngadto sa mga nagkadaiyang stakeholders nga tabangan ang mga mitahan nga mga NPA members.
