DAVAO CITY – Gikalipay karon sa mga residente sa lalawigan sa Davao del Sur gumikan kay dili na sila malisdan pa sa pagtukod sa ilang mga nadaut nga panimalay tungod sa nahimong lakang sa Department of Environment and Natural Resouces (DENR) nga ihatag sa mga apektadong residente sa nahitabong linog sa milabay nga tuig ang mga nakumpiskang pinutol nga mga kahoy nga gikan sa illegal logging.
Una niini, siyam ka mga munisipalidad ug syudad sa Davao del Sur ang makapahimulos sa ipang-hatag nga mga kahoy sa ahensiya nga gilangkuban sa mga kahoy ug tabla.
Muabot sumala pa sa 20,000 board feet ang i-donate sa DENR Carraga, samtang 11,000 board feet usab gikan sa DENR XI.
Ang nahisgutang mga kahoy ang gilangkuban sa Yakal, Lawaan, Mayapis ug Tangile.
Gikanayon ni Davao del Sur Governor Douglas “Dodo” Cagas, mag-hire sila og mang-gabasay aron maputol-putol ang mga kahoy subay sa gidak-on sa itukod nga mga balay.
Subay sa record sa probinsya, kapin sa nuebe mil ka mga balay ang totally damage samtang kapin sa 30 mil usab ang nangadamyos sa linog.
Gipasalig usab sa DENR nga modonate og dugang pang mga kahoy sa mosunod nga mga adlaw subay sa gipirmahang deed of donation tali sa provincial government sa Davao del sur.
